03‏/06‏/2008

بص ... شوف

مش كل اللي بص يبقى بالضرورة شاف

مش كل من حضر يبقى فهم المراد

مش كل من مشي في الطريق يبقى عنده اهداف


الفهم على قدر الاستيعاب.. اذا لازم نركز .. لازم نحدد الهدف .. كفايانا عشوائية و تخبط. كام واحد مننا محدد هدف؟ بلاش دي يمكن صعبة .. كام واحد مقرر هيعمل اسه السنة دي؟؟ الشهر ده؟؟ الاسبوع ده؟؟

طيب كام واحد كان ناوي يعمل حاجة في فترة زمنية و بعد ما خلصت قعد مع نفسه و ابتدا يدرس اللي حصل و ايه اللي تم و ايه اللي ماتمش و ما حصلش ليه.

كام واحد وضع خطة لفترة قادمة و بعدين وقف و قيم و صحح المسار؟

كام واحد قعد مع نفسة و فكر في حاجة غير احلام اليقظة؟؟

كام واحد فاهم يعني ايه واقع .. مش ايه هو الواقع لا يعني ايه واقع هيفيدني في ايه اني اعرف الواقع؟؟

ده دور العقل اللي احنا غيبناه بطرق كتييييييييييير جدا و للاسف في الاخر نسيناه

هناك تعليقان (2):

dina يقول...

اول تعليق و اول زيارة كمان
و الموضوع فعلا مهم جدا ... فكرة العشوائية و التخبط اللى بقت مليانا...انما و الله دا مايمنعش ان فى ناس محددة اوى مسارها و عارفة هى رايحة على فين و انا معاك ان عددهم المفروض يزيد و عدد الخطط البديلة كمان لازم تكتر لان مش معنى ان طريقك فى حاجة فشل يبقى مفيش ولا طريق تانى يوصلك ليها
موضوع مهم و بوست قوى
تحياتى

wade7 يقول...

شكرا على زيارتك القيمة ..

المدونة بتاعتك جميلة و رقيقة..

زيارتك فعلا تشجع ان الواحد يستمر في طرح افكاره

تحياتي
واضح