16‏/07‏/2008

الحملة ابدت يا رجالة




الحملة القومية للحفاظ على الانسانية
















انا و انت و رقصني يا جدع .. فاكرين الجملة دي خلاص بقت انا بس و كل حي يروح لحالة
انا و أخويا على ابن عمي و انا ابن عمي على الغريب .. حتى دي بقت عليا و على اعدائي

الناس اختلفت .. الافكار اختلفت .. المفاهيم اختلفت

الاخلاق .. آه من الاخلاق .. هو بقى فيه أخلاق .. طب داحنا زمان (الجملة بقت كتير قوي الايام دي)

عايزين نبدأ الحملة القومية للحفاظ على الانسانية من الشعب للشعب

عازين سلوجن جميل للحملة مفهوم الحملة زي ما طرحناه على بلوج نوارة
كالآتي:

حملة توعية ازاى نحترم بعض و نحب بعض و نخاف على مشاعر بعض .. عشان الجفاء و الجفاف اللي في الشارع دول يهدوا شوية .. هدفي الطبقة اللي فوق شويه (ثقافيا) .. نبدأ من فوق .. و لما تنتشر هتلاقي اللي تحت مجبر .. انا متأكد من كده .. و يا سلام لو شوية بانرز .. ستيكرز .. حبشتكنات من اللي الناس بتحبها .. و الهدف جميل و الشعار أجمل .. (حس بيا) مثلا أو أي اقتراح .. و الله يا جماعة هيفرق معانا كتير كشعب اننا نبقى محترمين مع بعض و شوية شوية هتلاقي الموضوع وصل للتجار الجشعين .. و الموظفين المهملين .. و السواقين المبلطجين .. نين نين نين و هكذا

ممكن تساعدوني؟

13‏/07‏/2008

اتشعبط يا سلام



اتشعبط يا سلام
استعبط يا سلام
اصل البعيد عوام
بيعوم الجنبين
يعرف يكون زمام
يعرف يطاطي لمين
ساعة السلام طرزان
ساعة الحصار ظربان

نفسه في يوم ننزاح
تبقى التكية براح
ولاحد يسأل فين
اكل العساكر فين؟
و عيالنا الصغيرين؟
دوا الحوامل فين؟
و عكاز المكسحين؟

03‏/06‏/2008

بص ... شوف

مش كل اللي بص يبقى بالضرورة شاف

مش كل من حضر يبقى فهم المراد

مش كل من مشي في الطريق يبقى عنده اهداف


الفهم على قدر الاستيعاب.. اذا لازم نركز .. لازم نحدد الهدف .. كفايانا عشوائية و تخبط. كام واحد مننا محدد هدف؟ بلاش دي يمكن صعبة .. كام واحد مقرر هيعمل اسه السنة دي؟؟ الشهر ده؟؟ الاسبوع ده؟؟

طيب كام واحد كان ناوي يعمل حاجة في فترة زمنية و بعد ما خلصت قعد مع نفسه و ابتدا يدرس اللي حصل و ايه اللي تم و ايه اللي ماتمش و ما حصلش ليه.

كام واحد وضع خطة لفترة قادمة و بعدين وقف و قيم و صحح المسار؟

كام واحد قعد مع نفسة و فكر في حاجة غير احلام اليقظة؟؟

كام واحد فاهم يعني ايه واقع .. مش ايه هو الواقع لا يعني ايه واقع هيفيدني في ايه اني اعرف الواقع؟؟

ده دور العقل اللي احنا غيبناه بطرق كتييييييييييير جدا و للاسف في الاخر نسيناه

17‏/12‏/2007

مبروك عليك الحياه

كان قلبه ميت
فاحياه الله
كان عقله فائت
فاكرمه الله

كانوا يرونه مفقود
و عاد الى الحياه

مبروك عليك الحياتين

27‏/11‏/2007

طائر أنا

طائر أنا بحناح مكسور و الآخر موروم
طائر أنا .. طائر صغير
نعم صغير ..
أحمل بين طياتي أحزان السنين .. و أنين طائر حزين
طائر أنا مفقود بين السحاب
و السحب لا تعرف الصغير
و لا تعترف بالطائر الهجين
و من منا ليس بهجين
لا اعرف سوى ابناء آدم الاوائل
و قد قتل بعضهم بعضا
طائر أنا لايبحث عن رزقه
انما الرزق يأتيه
طائر أنا ابحث عن صياد
يخلصني من عناء السنين
كم هو سهل هذا الحل
و كم هو صعب حين يحين

15‏/08‏/2007

كل هذا الحزن

ما كل هذا الحزن؟
اكتشفت فجأه اني حزين قوي؟
من فترة طويلة و بالرغم من مرور أحداث تبدو سعيدة
الا انني برررررررضه حزين طب ليه؟
فيه ايه؟
لاحظت ان كتير من اصحابي حزانى ايضا..
لأ و كتير من الناس في الشارع بررررضه حزينه!!
الله فيه ايه؟؟
اكيد فيه حاجه..
يمكن المياه فيها حاجه؟
شفت اهو حتى مابقتش ظريف زي زمان..
كنت زمان لما اتكلم الناس بتضحك
دلوقتي معرفش .. ليه؟ عشان مابقتش بتكلم اصلا
لو حد عنده تفسير للحزن السائد
ياريت ياريت يقوللي السبب
نفسي ابقى سعيد.

كرباج سعاده و قلبي منه انجلد
رمح كأنه حصان و لف البلد
و رجعلي اخر الليل يقوللي
ليه خجلان تقول انك سعيد يا ولد